ବଲିଉଡ ଅଭିନେତ୍ରୀ ନେହା ଧୁପିଆ, ସେଲିନା ଜେଟଲି ଓ କୋଙ୍କଣା ସେନଙ୍କ ଠାରୁ ଦିଆ ମିର୍ଜା ପର୍ଯ୍ୟନ୍ତ ଅନେକ ସେଲିବ୍ରେଟି ଅଛନ୍ତି ଯେଉଁମାନେ ବିବାହ କରିବାର ତୁରନ୍ତ ପରେ ସେମାନେ ଗର୍ଭବତୀ ଥିବା ଖବର ଶେୟାର୍ କରିଥିଲେ ।
ସେଲିନା ଜେଟଲି ସୋସିଆଲ୍ ମିଡି଼ଆରେ ନିଜ ଶିଶୁ ଫୁଲା (baby bump) ଦେଖାଇ ଅନେକ ଫଟୋ ପୋଷ୍ଟ କରିଥିଲେ । ସେଲିନା ୨୦୧୧ ମସିହାରେ ବିବାହ କରିଥିଲେ । ବିବାହର ଅଳ୍ପ କିଛି ଦିନ ପରେ ଏହି ସୁନ୍ଦର ଅଭିନେତ୍ରୀ ନିଜ ଗର୍ଭଧାରଣ ବିଷୟରେ ସୂଚନା ଦେଇଥିଲେ ।
ବଲିଉଡ ଅଭିନେତ୍ରୀ ନେହା ଧୁପିଆ ଅଙ୍ଗଦ ବେଦୀଙ୍କୁ ବିବାହ କରିବାର କିଛି ଦିନ ପରେ ହିଁ ଗର୍ଭବତୀ ଥିବା ବିଷୟରେ ସୂଚନା ଦେଇଥିଲେ । ତା’ ପରେ ନେହା ଝିଅ ମେହେରଙ୍କୁ ଜନ୍ମ ଦେଇଥିଲେ ।
ଜାନୁୟାରୀ ୨୦୨୦ରେ କ୍ରିକେଟର୍ ହାର୍ଦ୍ଦିକ ପାଣ୍ଡ୍ୟା ଓ ତାଙ୍କ ଗର୍ଲଫ୍ରେଣ୍ଡ୍ ନତାଶା ଷ୍ଟାନକୋଭିକ୍ ସେମାନଙ୍କର ପ୍ରଥମ ସନ୍ତାନର ଏହି ଦୁନିଆକୁ ଆସିବା ବିଷୟରେ ସୂଚନା ଦେଇଥିଲେ । ବିବାହର ସାତ ମାସ ପରେ ଜୁଲାଇ ୨୦୨୦ରେ ନତାଶା ଏକ ପୁତ୍ର ସନ୍ତାନ ଜନ୍ମ ଦେଇଥିଲେ । ହାର୍ଦ୍ଦିକ ପାଣ୍ଡ୍ୟାଙ୍କ ନିର୍ବନ୍ଧ ଠାରୁ ଆରମ୍ଭ କରି ତାଙ୍କ ପିତା ହେବାର ଯାତ୍ରା ଅତି ରୋମାଞ୍ଚକର ଓ ସ୍ମରଣୀୟ ରହିଛି ।
ନିଜ ଚମତ୍କାର ଅଭିନୟ ପାଇଁ ଜଣାଶୁଣା ଅଭିନେତ୍ରୀ କୋଙ୍କଣା ସେନ୍ ବଲିଉଡ୍ ଅଭିନେତା ରଣବୀର ଶୋରେଙ୍କୁ ବିବାହ କରିଥିଲେ । ଏହି ବିବାହ ତାଙ୍କ ଗର୍ଭଧାରଣ ପରେ ହିଁ ହୋଇଥିଲା । ଅର୍ଥାତ୍ କୋଙ୍କଣା ବିବାହ କରିବା ପୂର୍ବରୁ ଗର୍ଭବତୀ ହୋଇଥିଲେ ।
ବଲିଉଡ ଅଭିନେତ୍ରୀ ତଥା ମଲାଇକା ଅରୋଡ଼ାଙ୍କ ସାନ ଭଉଣୀ ଅମୃତା ଅରୋଡ଼ା ରିୟଲ୍ ଇଷ୍ଟେଟ୍ ବ୍ୟବସାୟୀ ଶକିଲ ଲଦ୍ଦାକଙ୍କୁ ବିବାହ କରିଛନ୍ତି । ଗଣମାଧ୍ୟମରେ ଅମୃତା ଅରୋଡ଼ାଙ୍କ ବିଷୟରେ ଖବର ଆସିଥିଲା ଯେ ସେ ଗର୍ଭବତୀ ହେବା ପରେ ହିଁ ନିଜ ପ୍ରେମିକ ଶକିଲଙ୍କୁ ବିବାହ କରିଥିଲେ ।
ଅଭିନେତ୍ରୀ ମହିମା ଚୌଧରୀ ବି ବିବାହ କରିବା ମାତ୍ରେ ହିଁ ଖୁସି ଖବର ଦେଇଥିଲେ । ୨୦୦୬ରେ ବବି ମୁଖାର୍ଜୀଙ୍କୁ ବିବାହ କରିଥିବା ଏହି ଅଭିନେତ୍ରୀ ବିବାହ ପୂର୍ବରୁ ଗର୍ଭବତୀ ଥିଲେ ।
 |
| (Picture: Instagram) |
ନିକଟରେ ଦିଆ ମିର୍ଜା ଦ୍ୱିତୀୟ ଥର ପାଇଁ ବିବାହ କରିଛନ୍ତି । ବିବାହର ଦେଢ଼ ମାସ ପରେ ସୋସିଆଲ୍ ମିଡିଆରେ ଦିଆ ମିର୍ଜା ନିଜ ଗର୍ଭବତୀ ଥିବାର ଖୁସି ଖବର ଶେୟାର୍ କରିଥିଲେ । ଦିୟା ୧୫ ଫେବୃଆରୀରେ ବ୍ୟବସାୟୀ ବୈଭବ ରେଖୀଙ୍କୁ ବିବାହ କରିଥିଲେ । ଏବେ ସେ ନିଜ ଶିଶୁ ଫୁଲା ଫଟୋ ଶେୟାର କରି ଖୁସି ଖବର ଦେଇଛନ୍ତି ।
